- سيدي دير فيا مزيا جيبلي هذاك الشباب اللي ما بغاش يخزر فيا ..انا شابة و زينة بصح زهري دارها بيا
- يا نجمة الليل شوفي ليا و نشوف ليك ... ذكرى لحبيب ما نرقد طول الليل بصح غير انا الي نديه
- يا مولات الشعور بالحاشية مظفور .. خدك ديما منور وردة مسكية اذا سكنت
لقصور نكريلك سلوم..اذا حبطت مع الطيور نكريلك عصفور و التراب اللي يغمك
يغمني انا
- بيدي قطعة لحم و اقليتوا في النار .. بوذني سمعت لكلام و عرفت الغدار .. وقتاش يتلم الشمل و نكونوا دار
- عسيلة يا عسيلة.. وعسيلة في الكاس..الكلام اللي بيني و بينك موحال يفهموه الناس ..الحيط عمروا ما يتبنا قبل الساس
- كنت مهني قبل ما نعرفك ..كنت نحلم في بلادي كيما السلطان ..و اليوم
مكتوب ربي لاقاني بيك و ملكتني كيما يملك الجان..هذي هي حالة القلب اللي
تبلى بيك ..و الله ما ننساك حتى في الاكفان
- يا اللي زايدة في عذابي في النهار انومك و في الليل نترجاك أعطيني كلمة من فمك يرحم اللي رباك
- دخلت الى الدار ..لقيت خطابة في البيت .. شديت منديل و ابكيت ..لكن في قلبي حبيت
- قلبي على جمرة و قلب حبيبي عل تمرة بعثت لو وردة حمراء و قلت لو الخديعة مرة .. قال لي و الله ما نخدعك حت يروح نعشي للمقبرة
_ راني راني في وسط جناني السرّ والبهاء ريته بعياني راني راني حالفة بالرباني هذه المرة ما نأخذ غير البراني (الغريب)
- يا لالّتي (سيدتي) فاطمة يالالّتي فطوم سبحان خالقك ريت النجوم في السماء حسبتهم ساقك العين تبكي عليك والقلب مشتاقك
- بعثت لك يا شباب دموعي قرنفلة حمراء، ياعدو بن عدو بدّلتني بامرأة ، قال
لي والله يا لالة ما نبذلك بالغيرمحبتك في قلبي حتى يشيب الطير
- عندنا شجرة معمرة بالياقوت وعندنا فوّارة معمرة بالحوت اعطوني ابنتكم أو نطيح نموت
- حب الملوك جاني مغلف في اوراقه انا وحبيبي في بلاد واحدة والقلب مشتاقه
- يا الحمام الطاير نعطيك تديلي لجواب و جيبلي خبر لحباب قلبي راه حاير وقتاش يولي اللى غاب
- علاش يا لالة التخمام رحمة الله واسعة وكبيرة لو كان جات بالكلام
نتحدتوا و نعطوك تدبيرة بصح كل شيئ بالمكتوب و يعيا الخبر يبان و تزول
عليك الحيرة
- رديت الباب دفة علي دفة وطويت الفراش لفة على لفة أنا سعدي شمعة صعيب تنطفي
- جاز(عبر) علي باب دارنا يفصل فالعكري قتلوا يا شباب فصلي على قدي قالي
يا خليلتي حتى أجي ألعندي أنفصلك قاط دهاب او نزيدلك من عندي
- غالي غالي والغالي ربي مهمى تروح و تغيب معزتك ديما في قلبي.
-أنا شابة او مهري غالي واللى باغي يديني يحسب النجوم و يسهر الليالي و يبنيلى القصور فالعلالي.
-عينيك توت وحواجبك ياقوت أنا نديك و اللى حب يموت يموت .