|
سميـت بسـم الله وحـده ولا غيـرولا حد(ن) سوى المعبود منزل سورها |
وعلى النبي صليـت مـره وتكريـرنبينـا المبعـوث سـيـد بشـرهـا |
وجبت القلم وحضرت الاوراق تحضيرمـن بعـد ذكـر الله فكـري ذكرهـا |
ودي أعبر عن هوى النفـس تعبيـروعن عين مشتـاق تـذارف عبرهـا |
وارسم واصور في خيالـي تصاويـرللناظـر المشتـاق تعجـب صورهـا |
بالموقع اللـي فيـه حلـو المناظيـروعيـون عشـاق الطبيعـة سحرهـا |
لا فـن تشكيلـي ولا رسـم تسطيـرمنظـر طبيعـي للسهـال أو وعرهـا |
شوف الربيـع وسجـة بالمخاضيـرومشي(ن) مع الصحراء ونيلة خضرها |
عقب طلوع الشمس بشوي وعصيـروساعة صفار الشمس يدخل حمرهـا |
أوقت الضحى عديت روس الشناظيـربراس ماكـر حرهـا مـن صخرهـا |
ورقيت حتى جيت في موقـع الطيـرأو وزنـت دربيـل العيـون بنظرهـا |
والجو صافي مـن غبـار ومعاصيـرصبح المطر والأرض يعجب شجرهـا |
وشفت النسيم يهـز روس النواويـرويهـز ناعـم عشبهـا مـع زهرهـا |
مـدة شهـر يسقيـه مـزن مزابيـرمع كل صبـح وليـل يهمـل مطرهـا |
سيله مـع الوديـان مشيـه محاديـروبلـه سقـى كـل الديـار وعمرهـا |
بدو(ن) حلا ما فيـه كـود المغاتيـروجول الظباء ودميهـا مـع عفرهـا |
وفيه أم سالـم يـوم تعطـي مزاميـرتجمع طربها بالسمـاء مـع خطرهـا |
وفيه الحبـاري طايـرات و مخاميـرورمي البنادق والقنـص مـا ذعرهـا |
وطلع الزبيـدي بالجلـد والحجاجيـرما داسته نـاس(ن) كثيـره جررهـا |
تصلح لعشـاق القنـص والصقاقيـرمع درب سحب(ن) وكل دار تعبرهـا |
ويصلح بها ترتيـع خلـف ومعاشيـرومقهور راع الـذود عنهـا قهرهـا |
والمـال حـول نزولهـا والمظاهيـرأن سـنـد الـوديـان ولا حـدرهـا |
ويصلح بها بيـت الشعـر بالعثاميـرباطـول زبـارة شيـدوه بظهـرهـا |
اليـا زينـن مبنـاه بيـض الغناديـريشدى سـواة النايفـة مـن قورهـا |
برفقـة مجلـس رجـال ومسايـيـروالقهوجـي حـاف الـدلال وحكرهـا |
مجذية(ن) بوجـار سمـر ومباهيـروحده قبـل وحـده او وحـده بعدهـا |
ما صلحوهـا فـوق غـاز ودوافيـروالزر خلف الباب ما أعلـن خبرهـا |
وسوالف (ن) بين الرجال المشاهيـروناسة(ن) للمستمـع اليـا حضرهـا |
مغرم طبيعة واعـذروا يـا مناعيـرهـذا منـى نفسـي وهـذا دورهــا |
أنهيت ما غنيت وتمـت علـى خيـروعبرت عـن مشاعـري واعتبرهـا |
موزونة(ن) عن كل ميل(ن) وتكسيـرولا فيه لـو حـرف صغيـر كسرهـا |
وزنتها ميـزان بكـره علـى سيـروحبر القلم فـوق المسطـر سطرهـا |
ولاني وحيد لسان غيـري شواعيـركم شاعر(ن) غاص البحور وعبرهـا |
أشعارهـم مثـل الذهـب والدنانيـروالحص والياقـوت وأيضـا دررهـا |
وختامهـا منـي تحـيـه وتقـديـراعـداد مـا بالبـر وأيضـا بحرهـا |
جمادها واللي بهـا نفـوس وتسيـروعـد الكواكـب والنجـوم وقمرهـا |
من خلقت الأقلام مـا صـار ويصيـرمـن أول الدنيـا اليـا اخـر دهرهـا |
معطـره بالمسـك والـورد تعطـيـرللباديـه والحاضـره فــي ديـرهـا |
وصلاة ربـي عـد رمـل الحماريـردقاق رمـل النفـود وأكبـر حجرهـا |
وعداد من يمشي على الأرض ويطيروعد النوى وحبـوب يحصـد ثمرهـا |
على نبـي(ن) عمـر الديـن تعميـرآخـر رسـول والرسالـة نشـرهـا |
|